Bəlkə də, haqlıydı keçmiş sevgilin,
Bir bəlli diləksiz, dəli şairsən.
Bəs, bu cəmiyyətdən nədir istəyin?
Ruhları gəmirən zəli şairsən.
Atılıb qapında bir yetim sevda,
O sənin də deyil, sahibi harda?
Sanki axtarırsan misralarında…
Aman, sən necə gülməli şairsən!
Tökülüb dünyanın qəmi üstünə,
Sıcaq duyğulardan sənə isti nə?
Dözərsən, şeirsə baxmaz şəstinə…
Qəm xəmirindədir, bəli, şairsən!
Amma bu ömür hey səni üzsə də,
Yaşadan bir eşq var, can çox bezsə də.
Kimlərsə kənardan lağla süzsə də,
Bir duyanın varsa, ceyli şairsən!
Rüfət Əhmədzadənin bloqu 