Marsa ilk ayaq basan azərbaycanlı

Marsa ilk ayaq basan astronavt kimiyəm…
Sevincimin həddi-hüdudu yoxdur,
hayqırmaq istəyirəm…
Dünyanı sevindirmək!
Dünyanı müjdələmək….

Amma dünya üçün çoxdan ölmüşəm…
Çünki mənim gəmimdə bütün cihazlar yanıb…
Və mən bəşəriyyətlə
əlaqəni də çoxdan itirmişəm.
Axı hansı sayt, qəzet yazacaq?
Mən belə bir qəhrəmanlıq etmişəm…

Marsa ilk ayaq basan astronavt kimiyəm…
Nə qədər olsam da fəxr edilməli,
Ailəm üçün çox ögey kişiyəm,
həmvətənlərimçün yadplanetli.

Marsa ilk ayaq basan astronavt kimi də,
tək-tənha qalmışam
qırmızı planetdə.
Öz kəşfimə bürünüb ölmək imiş qismətim…
Bəlkə Mars torpağından
yoğrulmuşam əslində?

Ay dünya,
oy dünya,
uy dünya….
Heç olmasa, ilk sevgi yaşadığım
məktəbin həyətində
heykəlimi qoy, dünya!

Rüfət Əhmədzadə

21.05.2014

Advertisements

Bir cavab yazın

Sistemə daxil olmaq üçün məlumatlarınızı daxil edin və ya ikonlardan birinə tıklayın:

WordPress.com Loqosu

WordPress.com hesabınızdan istifadə edərək şərh edirsinz. Çıxış / Dəyişdir )

Twitter rəsmi

Twitter hesabınızdan istifadə edərək şərh edirsinz. Çıxış / Dəyişdir )

Facebook fotosu

Facebook hesabınızdan istifadə edərək şərh edirsinz. Çıxış / Dəyişdir )

Google+ foto

Google+ hesabınızdan istifadə edərək şərh edirsinz. Çıxış / Dəyişdir )

%s qoşulma