Xam xəyallar

Nə dartıb çıxarardım ordan səni..
Vəhşətin içində qovrulmayaydın.
Oddan çıxan gözyaşardan his kimi,
Yerində kül qoyub sovrulmayaydın!

Nə dartıb çıxarardım ordan səni…
Nalayiqin tutduğu yer xaraba!
Nə sən qazanaydın günah-lənəti,
Nə də mən qatlanardım min əzaba!

Günah rapsodiyası

Günah rapsodiyası

(poetik köşə)

Günahmı mənimlə doğuldu,

Ya mən günahı doğdum?

Yoxsa, İblis gəldi,

kəsdi başımın üstünü körpə ikən,

yetişən övliya elə beşikdəcə boğuldu!?

Bəlkə, hər şey tamam başqa,

mən günah tək böyüdüm?

Belə çıxır ki,

məni doğan da, günahın özüydü…